Атырауда Volkswagen дилерлік орталығы қайта құрудан кейін ашылды

IMG_0462.jpg


Атырау қаласында Orbis Auto автомобиль тобының Volkswagen ресми дилерлік орталығының толық реконструкциясы аяқталды. Ыңғайлылық, функционалдылық және жаңа мүмкіндіктер, сондай-ақ брендтің жоғары стандарттарына, дәстүрлері мен құндылықтарына деген адалдық жаңартылған орталықтың басты белгілері ретінде сақталды. Volkswagen өңірлік дилерлік орталығын қайта құру үшін Orbis Auto-ның меншікті инвестициялары $1 млн құрады.

Өндірушінің талаптарына сәйкес Volkswagen Atyrau-ды қайта құру процесі бес айға созылды. Реконструкцияланған орталықтың жалпы ауданы 3 287 ш.м. құрайды, шоу-румға 736,4 ш. м., қосалқы бөлшектер қоймасына – 180 ш. м.бөлінген. Ауданы 2 370 ш. м. сервистік аймақта 14 жұмыс және 4 автожуу бекеттері орналасқан, Volkswagen маркасының халықаралық стандартының соңғы критерийлеріне сәйкес келетін жабдық толық жаңартылған. Клиенттерді күтудің жаңа аймағы онлайн режимінде автомобильдің жөнделуін бақылауға және тегін Wi-Fi пайдалануға мүмкіндік береді. Автоорталықтың дизайны заманауи, ал интерьері эргономикалық сипатқа ие болды. Автосалонда сәйкестілік пен жиһаз жаңартылды, ал ғимараттың қасбетінде Volkswagen брендінің жаңа логотипі пайда болды.

- Бұл - осы жылы толықтай қайта құрудан кейін ашылған Қазақстандағы Volkswagen екінші дилерлік орталығы. Енді Атырауда біздің клиенттер өз сатып алуларын барынша қолайлы жағдайларда жүзеге асыра алады және қызметтердің кең спектрін ала алады. Жаңартылған дилерлік орталық брендтің дәстүрлері мен саясатына адалдығын сақтап қалды, ал оның техникалық жабдықталуы барлық халықаралық стандарттарға сәйкес келеді. Дегенмен, ең бастысы, бұл, әрине, адамдар -  өз ісінің мамандары. Орталық қызметкерлері брендтің корпоративтік саясатына сәйкес біліктіліктерін үнемі арттырып отырады. 2020 жылы біздің мамандарымыз 150-ден астам кәсіби тренингтерден өтті, - деп атап өтті Orbis Auto автомобиль тобының бас директоры Динара Ысқақова.

Атыраудағы дилерлік орталық өз клиенттеріне Volkswagen ресми дилері ұсынатын қызметтер мен сервистердің барлық спектрін ұсынады. Олардың ішінде жеңіл және коммерциялық модельдердің кеңейтілген желісінен автомобильдерді таңдау, жаңа автомобильге айырбастау кезінде артықшылықтарды қолдайтын Trade-In бағдарламасы, сондай-ақ автонесиелеудің әртүрлі бағдарламалары бар.

- Қайта құрудан кейін біздің автосалонның мүмкіндіктері кеңейе түсті және клиенттерге үздік сервисті ұсынуға, оларға автокөлік сатып алуға және кешенді қызмет көрсетуді барынша ыңғайлы әрі жағымды етуге мүмкіндік береді. Volkswagen брендінің аймақтағы позициясын күшейту және жаңа бағдарламаларды енгізу бойынша жұмыстарды жалғастыру жоспарымызда бар, - деді Volkswagen Atyrau директоры Аман Мәліков.

2021 жылдың қаңтар айының қорытындысы бойынша Volkswagen Atyrau-да 30 автомобиль сатылды. 2021 жылы дилер Атырауда Volkswagen-нің 417 автокөлігін сатуды жоспарлайды. Жалпы Қазақстан бойынша қоржынына төрт VW автоорталығы кіретін Orbis Auto компаниясы 2021 жылы брендтің жеңіл автомобильдерінің 3137 бірлігін жүзеге асыруды жоспарлап отыр.

Orbis Auto бас директоры Динара Ысқақова 2021 жылы Volkswagen дилерлік орталықтарында бренд автомобильдерінің соңғы бес жылдағы ең кең модельдік қатары, соның ішінде соңғы жаңалықтар ұсынылатынын атап өтті.

 IMG_0457.jpg

Orbis Auto – Orbis Kazakhstan компаниялар тобының автомобильдік бөлімшесі, елдің автомобиль ритейлінің ірі ойыншыларының қатарына кіреді. 2012 жылдың 28 қыркүйегінде құрылған. Штаб-пәтері Алматы қаласында.

Orbis Auto брендтерінің портфеліне 10 автомобиль маркасы, 1 арнайы бренд және 1 жүк техникасы бренді кіреді: Toyota, Nissan, Mitsubishi, Hyundai, Cadillac, Audi, Porsche, Chevrolet, Volkswagen, JAC, JCB, Hino.

Orbis Auto дилерлік желісінің Қазақстан Республикасында 22 автоорталығы және Қырғыз Республикасында 1 дилерлік орталығы бар: Тойота Сити Астана, Тойота Сити Алматы, Тойота Центр Ақтау, Тойота Центр Қостанай, Тойота Центр Қарағанды, Тойота Сервис Жаңаөзен, Ниссан Центр Алматы, Ниссан Центр Ақтау, Ниссан Центр Орал, Ниссан Центр Атырау, Volkswagen Центр Орал, Volkswagen Центр Алматы, Volkswagen Центр Нұр-Сұлтан, Volkswagen Центр Атырау, Көп брендтті Центр Атырау (JAC, Mitsubishi), Hyundai Центр Павлодар, Hyundai Центр Шымкент, JCB Алматы, Hino Алматы, Cadillac Алматы, Audi Алматы, Porsche Алматы, Chevrolet Алматы, JCB Бішкек.



Ұқсас тақырыптар