Қаскелеңде жедел жәрдем көлігі апатқа ұшырады, 4 адам зардап шекті

1.jpg


Алматы облысы Қаскелең қаласында жедел жәрдем көлігі «Lexus»-пен соқтығысты, 4 адам зардап шекті, деп хабарлады ҚазАқпарат patrul.kz сайтына сілтеме жасап.

Оқиғаға куә болғандардың айтуынша, Lexus Наурызбай батыр даңғылымен солтүстік бағытқа қозғалып келе жатқан. Жүргізуші бағдаршамның жасыл түсіне жүріп келе жатқанына сендірген. Қиылыста оның алдында кенеттен жедел жәрдем көлігі кері бұрыла бастаған. Ол Наурызбай батыр даңғылымен оңтүстікке бет алған. Жеңіл көлік иесі тежегішті басып үлгермеген. Оның сөзінше, медициналық бригаданың машинасы жарық және дыбыс сигналдарын қоспаған.

2.jpg


Жол апатында 4 адам - жедел жәрдем көлігінде болған науқас қыз, оның жүргізушісі мен фельдшер, сондай-ақ Lexus иесі зардап шекті. Полиция қызметкерлері оқиғаның мән-жайын анықтауда.

3.jpg

Ұқсас тақырыптар