«Аман-саулық» қоғамдық қоры алматылықтар жасөспірімдердің ішімдікті дүкеннен сатып алуға көмектесу өтінішін қаншалықты қабылдайтынын білу мақсатында әлеуметтік эксперимент жүргізді.

Эксперимент барысында 21 жасқа толмаған жас жігіт, дүкен маңындағы жүргіншілерден өзіне алкогольді сатып алып беруге көмек сұраған. Адамдардың барлығы дерлік бірауыздан көмектесуге келіскен. Тек бірнеше адам ғана азаматтық белсенділік танытып, бұл ұсыныстан түбегейлі бас тартыпты.

Аталған қордың мәліметінше, бүгінгі таңда Қазақстан Орталық Азияда 15 жастан асқан адамдардың ішінде ішімдіктен бірінші орында тұр.  Адам басына шаққанда 15 жастан бастап бір адамға алкоголь өнімдерін тұтыну жылына шамамен 9 литрді құрайды екен. Оның 65% күшті алкогольді сусындар.

Мәселен, 2019 жылдың басында  «Аман-саулық» қоғамдық қоры Алматылық студенттер арасында сауалнама жүргізіпті. Нәтижесінде студенттердің 38% -ы алғаш рет алкогольді 16-жасында, 37%-ы 16-дан 18-ге дейін, 20% -ы 18-ден 21-ге дейін, тек 5% ғана 21 жастан асқан соң ішімдікті пайдаланғандарын айтқан.

 «Аман-саулық» ҚҚ басшысы Бақыт Түменованың  айтуынша, тәжірибенің міндеті қарапайым алматылықтардың жас жігіттің өтінішін қаншалықты қабылдайтынын және Қазақстанның ең ірі мегаполисінде 21 жасқа дейінгі алкогольді сату туралы заңнамалық шектеулердің қалай жұмыс істейтінін анықтау болған.

«Тәжірибе көрсеткендей, біздің отандастарымыздың азаматтық позициясы төмен. Заңды тыйым салу мен шектеулерді тиімді жүзеге асыру әр азаматтың жеке жауапкершілігін арттыру және оның өзін өзгерту және оны айналасындағы әлемді өзгерту болып табылады».-дейді ол.

Дүниежүзілік денсаулық сақтау ұйымы алкоголизм созылмалы, прогрессивті және өлімге әкелетін ауруға айналғанын мойындады. Сондықтан, бұл дерттен емдеу спирттің кез-келген дозасын толығымен тастауды білдіреді. Ғалымдар адам денсаулығына алкогольдің аз мөлшерін де пайдалану қауіпті екенін жоққа шығармайды. Ішімдікті 20% дейін тұрақты пайдалану кез-келген жастағы ерте өлімнің ықтималдығын арттырады, бұл ретте пайдалану мөлшерін бақылау мүмкін емес.

«Аман-саулық» қоғамдық қорының қызметі тәуекел факторларды басқаруға жүйелі түрде бағытталған. Қор ұйымдастырған акция Алматы тұрғындары мен қонақтарын өз денсаулығына жауапкершілікпен қарауға шақырады.