«Орыс тілі – ТМД аумағындағы ұлтаралық қарым-қатынастың басты құралы», деп мәлімдеді ТМД Бас хатшысының орынбасары Дәурен Абаев Минскіде өтіп жатқан "Қазіргі екітілді кеңістіктегі орыс тілі" атты Халықаралық ғылыми конференцияда.

Оның айтуынша, орыс тілі ТМД көлемінде адамдардың бейресми байланыс орнатуына, мәдениетін таратуға мүмкіндік беріп отыр. Қазіргі күні орыс тілі қарқынды даму үстінде.

«Елдер арасындағы серіктестікке ТМД-ның қолдауымен орыс тілін қолдау және ілгерілету жөніндегі халықаралық ұйымның құрылуы қосымша серпін береді. Қазақстан Президенті Қасым-Жомарт Тоқаев ұсынған бұл бастаманы ТМД елдерінің барлық көшбасшылары қолдады», - деді Абаев.

Еске салайық, 2023 жыл ТМД-да ұлтаралық қатынас тілі ретінде орыс тілі жылы болып жарияланған. Осыған орай гуманитарлық, ғылыми, білім беру және ағартушылық маңызы бар 150 іс-шара жоспарланған.

Mezgil.kz