НАТО бас хатшысы Йенс Столтенберг НАТО өз мүшелерінің ешқайсысына тікелей әскери шабуыл жасау қаупін көрмейтінін, бірақ гибридтік шабуылдардың «тұрақты қаупі» бар екенін атап өтті.

Соңғы уақытта Соғысты зерттеу институтының (ISW) сарапшылары: «Ресей президенті Владимир Путинді қоса алғанда, Кремль қайраткерлерінің Молдоваға, сондай-ақ Балтық елдеріне, Данияға және Финляндияға ықтимал гибридтік шабуылдарды ақтауға ақпараттық негіз қалағаны байқалады», - деп хабарлайды.

Вашингтондағы орталық сарапшылары өздерінің соңғы есебінде Кремль 2014 және 2022 жылдары Украинаға басып кіру алдында Ресей билігі қолданған операцияларға өте ұқсас ақпараттық операцияларды Молдоваға қарсы жүргізетінін, мүмкін, болашақта Молдоваға қарсы ықтимал ресейлік агрессияны ақтау үшін жағдай жасайтынын айтады.

«Ресейдің бұл елдегі ықтимал гибридтік операциясының мерзімі белгісіз болғанымен, Кремль оны тезірек өткізу үшін ақпараттық фон дайындауда», - дейді ISW сарапшылары.

Бұған дейін Эстонияның Сыртқы барлау қызметі Ресей қарулы күштерінің қайта құрылуы мен кеңеюі фин бағытында әскери қатысуды арттыруға және НАТО-ның басқа мүшелерімен әлеуетті қарсы тұрудағы ұстанымдарын нығайтуға бағытталғанын мәлімдеген болатын.

Эстондықтар ресейлік әскерилер Финляндия мен НАТО-ға қысымды күшейту үшін Ленинград және Мәскеу әскери округтерін құрып жатқанын, сондай-ақ Балтық өңіріндегі «өз бөлімшелерін ішінара нығайтуға» тырысатынын хабарлады.

Ресей өз күштерін орта мерзімді және ұзақ мерзімді перспективада НАТО-мен шекара бойына қоятындай етіп ұйымдастыруы мүмкін. Эстонияның сыртқы барлау қызметі биыл Эстонияға тікелей әскери шабуыл жасау ықтималдығы төмен екенін, бірақ таяу болашақта Еуропадағы және Эстонияның шекарасындағы қауіпсіздік жағдайы Украина өз одақтастарының қолдауымен агрессияға тойтарыс бере алатындығына байланысты екенін атап өтті.

Mezgil.kz