«Орыс әлемі» достарының ТМД-тағы тілеулес мемлекеттері арасына жік түсті. Бұл жікті түсірген Армения.

Армения неге жік түсірді деген сауалға тоқтала кететін болсақ, Арменияда «Z пропаганданың» бас тізгіншісі Владимир Соловьевтің трансляциясы тоқтатылды. Ресей журналистер одағы (РЖО) мұны: «Сөз бостандығын бұзу», - деп атады.

Арменияның жоғары технологиялық өнеркәсіп министрінің орынбасары Авет Погосянның айтуынша, тыйым салу туралы шешім БАҚ саласындағы ынтымақтастық туралы екіжақты келісімнің 2 бабының «ұдайы бұзылуына» байланысты қабылданған.

Әңгіме қорлайтын мазмұндағы бағдарламаларды таратуды және ішкі саяси өмірге араласуды болдырмайтын бап туралы, сондай-ақ ұлттық мерекелер мен төтенше жағдайлар кезінде ережелерді құрметтеуді талап ететін бап туралы болып отыр.

«Тіпті жекелеген бағдарламаларға тыйым салу декларацияланған сөз бостандығы мен ақпарат тарату бостандығын нақты бұзу болып табылады», - деп мәлімдеді Ресей Журналистер одағының басшысы Владимир Соловьев (армян опаласына ұшыраған адам).

Соловьёв пен Маргарита Симоньян бір ай бұрын эфирде Грузия мен Армениямен шекараның жоқтығын армандайтын.

Ресейдің Украинаға толыққанды басып кіруі басталғаннан кейін Ресейде журналистерге цензура мен қысым күшейген. Көптеген БАҚ өз кеңсесін шетелге көшіруге мәжбүр болды, басқалары жұмысын тоқтатып қойды немесе соғысты жариялаудан бас тартты. Медиа қызметкерлері соғысты одан әрі насихаттау және қылмыстық қудалауға ұшырамау үшін басқа елдерге жаппай кетті.

Атап айтқанда, «РТР-Планета» телеарнасының мультиплексінде «Владимир Соловьевпен болған кеш» және «Владимир Соловьевпен болған жексенбілік кеш» тыйым салынған.

Погосянның айтуынша, тыйым салу «Армения Республикасының үкіметі мен Ресей Федерациясының үкіметі арасындағы бұқаралық телекоммуникациялар саласындағы ынтымақтастық туралы» келісімнің 5 және 6-баптарының негізінде енгізілген.

5-бап: «Халықтар мен ұлттық құндылықтарға қатысты қорлау мазмұнындағы бағдарламаларды алып тастауды» және «сайлау алдындағы науқандар мен iшкi саяси өмiрге араласуды алып тастауды», ал 6-бап: «Ұлттық мерекелер мен атаулы күндер кезiнде ережелердi құрметтеудi» және «соғыс және төтенше жағдайлар кезiнде жалпы ережелердi сақтауды» көздейдi.

Дәстүрлі түрде жақын және одақтас ретінде қаралған Ресей мен Армения арасындағы қарым-қатынас 2023 жылы айтарлықтай суып кетті. Атап айтқанда, Армения Ұжымдық қауіпсіздік туралы шарт ұйымына (ҰҚШҰ) қатысуды іс жүзінде тоқтатты, Владимир Путинді қамауға алуға ордер берген Халықаралық қылмыстық сотқа қосылды, Ресейге Ереван әуежайындағы ФСБ шекарашыларының жұмысын тоқтату туралы ресми хат жіберді, ал армян банктері ресейлік «Мир» карталарын қабылдауды тоқтатты.

РЖО басшысы Соловьев Ресейде соғыстан кейін цензурамен күресетінін мәлімдеді. Цензурадан көз ашпаған Ресей енді аласұрып, жан-жағына тіксініп, ұрынарға қара таппай қалған шақта Орталық Азия армяндар құрлы бола алмағаны көңілді құлазытады екен.

Mezgil.kz