Қазір Молдова мен Ғағауыз автономиясы арасндағы жағдай өршіп тұр. Оған Молдованың «батысшыл» бағыты мен Ғағауызияның «орысшыл» бағыты әсер етуде. 

Жуырда ғана  Ғағауыз басшысы Евгения Гуцул: «Ғағауыз тұрғындары «Мир» төлем жүйесіне қолжетімді болады. Ресей халқымызды тағы да құтқарды», -  деп жазды.

Одан әрі Е.Гуцул: «Ол бізге Молдова билігі орнатқан экономикалық блокададан өтуге мүмкіндік береді. Біз Кишинев құрған экономикалық қоршауды еңсеріп, біздің әлеуметтік, инфрақұрылымдық және экономикалық жобаларымызды қаржыландыруға қаражат әкелуге мүмкіндікке қол жеткіземіз. М.Санду режимі біздің серіктестеріміз бен инвесторларымыздың қаражатын біздің қазынашылық шоттарымызға түспей тұрып немесе банк жүйесіне түскен бойда қамауға алды. Осы күнге дейін 15 млн-нан астам лей (шамамен $850 мың - RT) тұтқындалды», - деп жазды өзінің Telegram-арнасында.

(Сурет: point.md)

Е.Гуцул Ресей президенті Владимир Путинмен наурыз айында өткен кездесуінде автономияға көмек көрсету туралы өтініштерін білдіргенін атап өтті. Оның айтуынша, «Промсвязьбанкпен» жасалған келісімнің Ғағауызия халқы үшін маңызы зор: «Бұл біз үшін өте маңызды сәт. Ресей біздің халқымызды тағы да құтқарып, ғағауыздардың досы және қорғаушысы мәртебесін растады», - деп жазды ол.

Өз кезегінде, Ғағауыз автономиясы Халықтық жиналысының басшысы Дмитрий Константинов: «Ресей Федерациясы Ғағауызия тұрғындары үшін әрқашан тарихи және стратегиялық серіктес болды. Біз бұл туралы үнемі айтамыз, қорықпаймыз, кейде бұл үшін жазаланамыз», - деп шағымын білдірді.

Одан өзге: «Ресей Ғағауызия автономиясы тұрғындары үшін газға жеңілдіктерді және  РФ-ға тауар экспорттаушылар үшін жеңілдіктер туралы мәселелерді пысықтауда», - деп хабарлады Гуцул.

(Сурет: 1984.md)

«Наурыз айында біз Ресейге үш басты өтінішпен бардық. Біріншіден, біз Ресей басшылығынан біздің ғағауыздық экспорттаушыларға Ресейге тауар жеткізу үшін жеңілдіктер беруді сұрадық. Екіншісі - біздің автономиямыздың тұрғындарына газға жеңілдік беру, үшіншісі - ресейлік төлем инфрақұрылымына қолжетімділік», - деді саясаткер.

Ресейде Ғағауызияның басшысы Евгения Гуцул, автономды аумақтық құрылымның Халықтық жиналысының төрағасы Дмитрий Константинов және «Промсвязьбанк» төрағасы Петр Фрадков «Ұзақ мерзімді серіктестік қатынастар орнатуға және қаржы-кредит саласындағы ынтымақтастықты дамытуға» бағытталған келісімге қол қойды.

«1 мамырға дейін Ғағауызияның зейнеткерлері мен бюджеттік қызметкерлері Ресейдің серіктестерінен қаржылай көмек ала алады. Біз үшін «Мир» жүйесіне қолжетімділік өте маңызды. Өйткені, ол бізге қазір тап болған барлық қиындықтарды еңсеруге көмектеседі», - деп мәлімдеді Гуцул «Промсвязьбанк» басшысымен кездесуден кейін.

(Сурет: presedinte.md)

ҒАҒАУЫЗ БАСШЫСЫ РЕСЕЙДІҢ БАСҚЫНШЫЛЫҚ СОҒЫСЫН ҚОЛДАЙДЫ

Ғағауызия басшысы Евгения Гуцул Мәскеуге жасаған сапарлары барысында Ресейдің Украинаға басып кіруін қолдайтынын білдірді. Бұл туралы Молдова президенті Мая Санду айтты. Осы себепті Гуцул тұтқынға алынуы мүмкін.  

Бұған дейін Молдова билігі әуежайдағы жүздеген жақтаушылары алдында Гуцулға мұндай шара қолдануға тәуекел етпеген болатын.

«Біз әлем жағында тұрмыз, бұл соғысты бастағандарды, күн сайын бейбіт адамдарды өлтіргендерді қолдай алмаймыз. Ғағауызия басшылығының бір бөлігін «Шор» тобы бақылайды. Біз олардың елімізді тұрақсыздандыру үшін Кремльмен қалай жұмыс істейтінін білеміз», - деді Мая Санду.

Осындай мәлімдемелерден кейін РФ Мемлекеттік Думасының халықаралық істер жөніндегі комитетінің басшысы, ЛДПР көшбасшысы Леонид Слуцкий башқұртшыға Молдоваға қайтып оралуы қауіпті болатынын ескертті. Оған қатысты қылмыстық іс бұрыннан ойдан шығарылған, ал енді сепаратизм үшін жаңасын да қозғауы мүмкін.

«Кишиневте басшылықтың адамдары өте қызық, және олардың Ресейге қарсы көзқараста», - деп түсіндірді Слуцкий өз сөзін.

«Ғағауызия башканының көзқарасы маған өте сындарлы болып көрінеді. Біздің байланыстарымыз міндетті түрде жалғасады. Ал тәуекелдерге келсек, саясатта тәуекелдер болады, олар ақылға қонымды болғанда, кейде тәуекел ету керек», - деп түйіндеді Леонид Слуцкий.

«EADaily» хабарлағандай, бұған дейін Молдованың экс-президенті Игорь Додон да Ғағауызия басшыларының Кишиневпен ортақ тіл таба алмағандықтан сырттан қолдау іздеуге мәжбүр екенін айтқан болатын. Социалистер партиясы көшбасшысының айтуынша, бұл оларға жасалған  экономикалық қысым мен саяси қудалауға деген реакция. Содан болар, Ғағауызия Ресей әскерін Молдоваға шақыруда.

«Ғағауызия өз тәуелсіздігін мойындаған кезде Молдова Ғағауызия әскерін жіберсе, біз Ресейден көмек сұрайтын боламыз. Мен жағдай бұған жетпейді деп үміттенемін. Биліктің дұрыс ниетіне үміттенемін. Бірақ, егер жағдай оған жетсе, біз барлық елдерге, әрине, Ресей Федерациясына да жүгінетін боламыз», - деп мәлімдеді Гуцул.

Бұған дейін Ресей Федерациясының президенті Владимир Путин өткен айдағы  кездесуде «Ресей бұл өңірді әрдайым қолдайтынына» сендірген болатын. Оған сүйенген Гуцул: «Егер Молдова билігі Румыниямен бірігуге шешім қабылдаса, онда Ғағауызия автономиясы Молдовадан «бөліну процесін» бастайтынын»  мәлімдеді.

Mezgil.kz