Алматы облысының Ұзынағаш ауылындағы жеке үйде үш әйелді өлтіріп кетті.
Әйелдердің мәйіті 25 наурызда табылды. Олар бірнеше пышақ жарақатынан көз жұмған.
Барлығы бір отбасының мүшесі болған: 88 жастағы кейуана, оның 51 жастағы қызы және 24 жастағы жиені.
"Кісі өлтіру қылмысы болғанын растаймын. Қазіргі таңда күдікті ұсталып, уақытша ұстау абақтысына жабылды", — деп түсініктеме берді Алматы облысы ішкі істер департаментінің баспасөз хатшысы Көбейхан Нұрахмет.
ҚР Қылмыстық кодексінің 99-бабы (Кісі өлтіру) бойынша сотқа дейінгі тергеу басталды.
Дереккөз: sputniknews.kz
