«МЕЗГІЛ FM» интернет-радиосы «Мy voice» жобасын қолға алып отыр. Негізгі мақсат – «МЕЗГІЛ FM» интернет-радиосының бірегей алтын қорын жасақтау, белді тұлғалардың түрлі тақырыпта таспаға жазып алынған ой орамдарын, пікірлерін рет-ретімен жариялау; сол арқылы олардың асқан үнін кейінге жеткізу. Жобаның алғашқы қадамында жақында ғана өмірден озған қоғам және мемлекет қайраткері, жазушы-журналист Шерхан Мұртазаның диктафонға жазылған дауысын бергелі отырмыз. Таспа осыдан 10 жыл уақыт бұрын жазылған. Шерхан Мұртаза еліміздің тұтастығы, бірлігі жайында, сондай-ақ, сырттағы қандастарды атамекенге оралту төңірегінде ой өрбітеді. Оның пікірінен 10 жыл алдында айтылған мәселенің әлі де түк өзгермегенін байқаймыз.
