Әр ұлттың бірегейлігін айқындайтын маңызды фактор ол ұлттық құндылықтары. Ұлттық құндылықтар ұлттың мәдениеті, тілі, ділі, рухани байлығы мен тарихқа толы ғимараттарын қамтиды.

(Сурет Егемен Қазақстан гәзетінен алынды)

Қазақ даласы ежелден тарихқа толы. Мысалы, кең байтақ даламыздағы орта ғасырдағы кесенелер мен ғимараттарды ала аламыз. Әрқайсысы бір тарих болған кесенелердің бүгінгі өскелең ұрпаққа берері мол. Сол құнды орындарды қиратудан сақтап, туристік орындарға айналдыру әлемдік аренадағы қазақ даласының маңызын арттырады.

Бүгінгі таңда, осындай орындарда жөндеу жұмыстары жүргізіліп, халыққа кеңінен насихатталуда. Мысалы, Алматы облысындағы орналасқан сақ қорғандарын айта аламыз. Сол заманның мәдениетін сақтап, обалардың орындарын айқындаған орынға алыс-жақын шет елдерден тамашалауға келіп жатқан туристтер жеткілікті. Ол жерде сақ заманындағы адамдардың тұрмыс тіршілігін сипаттайтын үңгірлер, олардың салт-дәстүрі мен жерлеу рәсімдері айқын көрсетілген ескерткіштер жеткілікті.

Жүз рет айтқан, бір рет көрсетіп түсіндіруге бағытталған бұл орындар Қазақстанның мәдени мұраға деген ерекше көзқарасының айқын дәлеліне айналған.

Mezgil.kz