Қонаев қаласында дауыс беру барысында тұрғындардың назарын ерекше қатысушы аударды. Жаңа Конституцияны қабылдау жөніндегі республикалық референдумда №949 сайлау учаскесіне Алматы облысының символы саналатын қар барысының кейпіндегі костюм киген қала тұрғыны келді.
(Сурет: Аслан Кажеке)
«Қар барысының» келуі учаскеде болған азаматтардың қызығушылығын бірден тудырды. Дауыс берушілер ерекше қонақты жылы қарсы алып, онымен естелік суретке түсіп, мұндай креативті бастама учаскедегі көңіл-күйді көтеретінін атап өтті.
«Қар барысы — біздің облыстың символы. Бүгін мен өз азаматтық борышымды орындап, еліміз үшін маңызды оқиға — жаңа Конституцияны қабылдау жөніндегі референдумға қатысу үшін өз учаскеме келдім», — деді Қонаев қаласының тұрғыны, «Қар барысы» кейпінде келген Шыңғыс Мұқашев.
(Сурет: Аслан Кажеке)
Дауыс бергеннен кейін «қар барысы» басқа да дауысберушілермен әңгімелесіп, естелік фотосуреттерге түсті.
Mezgil.kz
