Қазақстанның Ұлттық қауіпсіздік комитеті радикал діни топтың әрекетіне тосқауыл болды, - деп хабарлайды Tengrinews.kz ҰҚК баспасөз қызметіне сілтеме жасап.
Оқиға бүгін, 25 маусымда Орал қаласында болған. Арнайы операция жүргізу барысында 8 топ мүшесі ұсталғаны, атыс қаруы, оқ-дәрілер және діни материалдардың алынғаны айтылады.
"Ұсталған адамдар Қазақстан аумағында бірқатар террористік актілер жасауға дайындалған, терроризмді насихаттаған, сондай-ақ мүліктік қылмыстар жасаған деп күдіктелуде. Осы фактілер бойынша сотқа дейінгі тергеу басталды, өзге ақпарат тергеу мүддесінде жариялауға жатпайды", - делінген ҰҚК хабарламасында.
