2021 жылдың 17 қарашасында Алматы ауыр машина жасау зауытына 80 жыл толады. Бүгінгі таңда "ААМЖЗ"  АҚ  Қазақстандағы машина жасау саласындағы жетекші кәсіпорындардың бірі болып табылады. Кәсіпорын ISO 9001: 2015; ISO 50001:2018; ISO 14001:2015 және ИСО 45001:2018 талаптарына сәйкестікке сертификатталған.

 

Шығарылатын өнім ассортиментінде  3500-ден астам түрі бар. Соңғы 30 жылда "ААМЖЗ" АҚ 54 патент және 300-ден астам өнертабыс бойынша авторлық куәлік алды.

 

Зауытта өндірістің технологиялық процесінің толық циклі реттелген: болат және шойын құю цехтары, ұсталық престеу цехы, модельдік учаске, термоөңдеу цехы, механикалық өңдеу цехтарының кешені, сынақ стендтері бар құрастыру цехы, сондай - ақ қажетті зертханалардың барлық түрлері бар.

 

Зауыт жабдықтар мен машиналар инжинирингі, өндірісі, өткізу және сервистік қызмет көрсету жұмыстарымен   келесі бағыттар бойынша  айналысады:

– металлургия өнеркәсібінің барлық қайта өңдеулеріне арналған жабдықтар, атап айтқанда-аглодомендік, коксохимиялық, прокаттық;

- энергетикалық жабдықтар;

- құбыр илектеу және созу жабдығы;

- мұнай өндіруге арналған жабдық;

- тау-кен өнеркәсібіне арналған жабдықтар;

- жалпы өнеркәсіптік мақсаттағы өнім.

 

Жетпісбай Едігенов,  "ААМЖЗ" АҚ бас директоры:

«Экономикалық дағдарыс пен пандемиядан, сондай-ақ құю өндірісіне жаңа технологияларды енгізу және механикалық өңдеу жабдықтарын жаңарту қажеттілігінен туындаған проблемаларды сәтті еңсере отырып, зауыт ұжымы болашаққа сеніммен қарайды. Жақын арада "ААМЖЗ" АҚ Алматы қаласының аумағынан тыс жерде  осы брендпен жаңа зауыт салуды жоспарлап отыр. Жаңғыртылған станок паркі жабдықтардың жаңа түрлерін игеруге және ескі әзірлемелерді, оның ішінде Қазақстан Республикасының мұнай кен орындарында пайдаланылатын тербелме-станоктарды жаңғыртуға мүмкіндік береді».

Инжинирингтік және басқа да қызмет түрлерін біріктіру зауытқа кешенді түрде де, іріктеп те, келесі жұмыс түрлерін  орындауға мүмкіндік береді:

- жобалық-конструкторлық құжаттаманы әзірлеу;

- Тапсырыс берушінің технологиялық мүмкіндіктері мен Конструкторлық құжаттамының бірыңғай жүйесінің  талаптарын ескере отырып, жобалау-конструкторлық құжаттаманы қайта өңдеу;

- техникалық тапсырма негізінде жобаларды әзірлеу;

- инженерлік-консультациялық қызметтер көрсету;

- Тапсырыс берушіге эксклюзивті шешімдер ұсыну;

- жабдықтарды, жинақтаушы және қосалқы бөлшектерді дайындау, жеткізу.

 

Қазіргі уақытта зауыт кабельді және метиз зауыттармен және Достастық елдерінің ірі өнеркәсіптік кәсіпорындары, оның ішінде  Магнитогорск ("ММК" ЖАҚ), Новолипецкий ("НЛМК" ЖАҚ), Череповецкий ("Северсталь" ЖАҚ), ЕВРАЗ - ЗСМК, өзбек  ("Узметкомбинат "АҚ)," Запорожсталь " АҚ және басқа да металлургиялық комбинаттармен  табысты ынтымақтастықты жалғастыруда. Ресей, Украина, Өзбекстан, Тәжікстан және Қырғызстан өнеркәсібінің  басқа салаларының кәсіпорындарына жабдықтар мен қосалқы бөлшектерді жеткізу жалғасуда. Тапсырыс берушілердің пікірлері бойынша, "ААМЖЗ" АҚ өнімдері "баға-сапа" көрсеткіші бойынша таңдалады.

 

Қазіргі уақытта ААМЖЗ елеулі дәрежеде экспортқа бағдарланған кәсіпорын болып табылады, яғни  өнімнің 60%-на дейін жақын және алыс шетелдерге жеткізіледі, сондай-ақ  дайындалатын  машиналар мен агрегаттардың электр және пневмогидротартпаларын жинақтау үшін қажетті жиынтықтаушы бұйымдарын қоспағанда, оны дайындау үшін отандық өндіріс материалдары пайдаланылады.

"ААМЖЗ" АҚ 2021 жылдың сәуір айында Ресей зауыты үшін дайындалған   "ХПТР 60-120 ролик  құбырларын суықтай илемдеу стан"  жоғары технологиялық жабдығын сәтті сынақтан өткізіп, қабылдау актісіне қол қойды.