Білімнен нұр шашқан аспаны

ҚазҰУ-ым ғылымның асқағы

Жадымда сайрайды тарихың

Мен 2019 жылы армандаған әл-Фараби атындағы Қазақ Ұлттық университетінің Экономика және Жоғарғы Бизнес факультетіне оқуға түстім. Мен үшін қазақтың қара шаңырағы ұлттық университет керемет мүмкіндіктер ортасы болды. Себебі, мен бұл ортада тек білім алумен шектелген жоқпын, болашаққа сенімді қадамдар жасауға мүмкіндіктер алдым деп есептеймін. Осы 4 жылдық оқу барысында арман, мақсаттарымды айқындап алуыма университетім үлкен үлес қосты.

Мен Экономика және Жоғарғы Бизнес факультетінің Логистика мамандығын оқып жатырмын. Логистика дамып жатқан мамадық, өзіме де жаңа маман саласы қызық болды. Логистика – бүгінгі заман мамандығы. Қазіргі бизнесте – бұл мамандық стратегиялық маңызды рөл атқарады, мұны дамыған елдердің тәжірибесі растап отыр. Ол сатып алу, тасымалдау және жеткізу процестерінің барлығын ұйымдастырады.

Сонымен қатар, университетте негізгі мамандығыңа қосымша салалар арқылы білім көкжиегін кеңейтуге мүмкіндіктер жасалған. Бұл мүмкіндік өте пайдалы. Өйткені, қазіргі кезде қалаған жұмысыңа орналасу үшін кейде бір мамандық иесі болу жеткіліксіз болып жатады, сондықтан бір-біріне салалас бірнеше мамандықтарды игеруге тырысатын студенттер саны артып келеді.

Экономика және Жоғарғы Бизнес факультетін ойдағыдай аяқтап, университетімде білімімді жалғастырсам деген арманым бар. Себебі, Әл-Фараби атындағы Қазақ Ұлттық университеті бұл –  кампустары Алматының экологиялық таза аймағында орналасқан, жатақханасы, бірегей ғылыми кітапханасы, Студенттер сарайы, 300 орындық жастар интернет орталығы, меншікті теле-радиокешені, Ыстық көлде жеке пансионаты, студенттерге қызмет көрсететін «Керемет» орталығы бар. Сол себепті, менің университетім жастар үшін армандар орындалатын орта.

        Әл-Фараби атындағы Қазақ Ұлттық универстетінің 

«Бизнес технологиялар» кафедрасының 

Логистика мамандығының 4-курс студенті

Таңатар Айғаным

Ғылыми жетекшілер: аға оқытушылар 

Маликова Р.М., Абдикул Ш.Н.