Әлеуметтік желілерде Түркияда тігілген киіз үйлердің суреттері жарияланды. Ал Түркиядағы қазақ диаспора өкілдері жер сілкінісінен зардап шеккендерге тамақ әзірлеп, қолғабыс тигізуде.
Таяуда қазақстандықтар табиғат апатынан жапа шегіп, қабырғасы қайысып отырған түрік еліне көмекке 20 миллион теңге жинап, оған 100-ге жуық киіз үй сатып алған еді.
Қазақ үйлер Кахраманмараш провинциясында орналасқан Эльбистан қаласында қойыла бастады. Еріктілердің киіз үйлерді зілзаладан қатты зардап келмеген аудандарға көтеріп жатқаны байқалады.
«Киіз үйлер шатырларға қарағанда әлдеқайда жылы», - дейді еріктілер.
Түркия мен Сирияда жойқын жер сілкінісінен қаза тапқандар саны қазіргі уақытта 20 мыңнан асып кетті. Тек Түркияның өзінде – 17 мың адам көз жұмған. Қираған үйінділердің астынан адам іздеу әлі ле жалғасуда.
Mezgil.kz
Эл.почта: nurgeldi.usbanov@mail.ru
Тел: 87787807494, 87083164776