Американың Қазақстанға 30 жыл ішінде құйған инвестициясы $62 млрд долларға жетті. Бұл туралы ҚР Сыртқы істер министрі Мұхтар Тілеуберді мен АҚШ елшісі Дэниел Розенблюмнің кездесуінде айтылды.
Отырыс барысында тараптар саяси, сауда-экономикалық және мәдени-гуманитарлық өзара іс-қимылдың екіжақты күн тәртібінің өзекті мәселелерін, сондай-ақ алдағы іс-шаралар кестесін талқылады. Екі елдің сауда-экономикалық ынтымақтастық динамикасы жоғары бағаланды.
Мәселен, 2022 жылдың қорытындысы бойынша өзара сауда 37,2% - ға ұлғайып, 2021 жылмен салыстырғанда $3,05 млрд-қа жетті.
1993 жылдан бастап АҚШ-тан Қазақстанға тікелей инвестициялар ағынының жалпы көлемі $62 млрд-тан асты. 2022 жылдың алғашқы үш тоқсанында тікелей инвестициялар ағыны өткен жылдың сәйкес кезеңімен салыстырғанда 58,8% - ға, $5 млрд-қа ұлғайды.
Mezgil.kz
Эл.почта: nurgeldi.usbanov@mail.ru
Тел: 87787807494, 87083164776