Еуропа Одағы Ресейге көмектескен Орталық Азия елдеріне санкция салуды жоспарлап жатыр. Бұл туралы 25 наурызда The Telegraph газеті жазған.

ЕО басшылығы Ресей Украинаға басып кіргелі Азия елдерінің Батыстан импорты артқанын айтады. Еуропа бұл өзгерістер Ресейге салынған санкциялардың күшін жояды деп қауіптенеді. Сондықтан ЕО басшылығы Орталық Азияға Ресейге қол ұшын созудың салдары қандай болатынын ескертпек.

«ЕО Ресейге көп рет қолданатын тауарларды, атап айтқанда кір жуғыш машиналар мен пайдаланылған көліктерді сатып алуға көмектесетін елдерге шектеу қоя алады. Мәскеуге сауда ағынын бақылайтын шенеуніктер Ресей мен оның Орталық Азиядағы дәстүрлі одақтастары арасындағы сауданың айтарлықтай өскенін байқады», - деп жазды басылым.

Егер Еуропа тауарлардың Ресейге қоылған шектеулерді айналып өтетіні туралы дәлел тапса, онда ЕО Орталық Азия елдеріне санкция салады.

Бұған дейін АҚШ Ресейдегі кез-келген тұлғаға АҚШ-тан газ турбиналарын экспорттауға, қайта экспорттауға, тікелей немесе жанама сатуға немесе жеткізуге тыйым салды. Егер санкция талабы бұзылса, жергілікті экспорттық газ құбырларының жұмысы айтарлықтай қиындыққа ұшырайтынын хабарлаған.

Mezgil.kz