CNN: АҚШ одақтастарына F-16 ұшақтарын Украинаға беруге рұқсат бергенімен, мұны өздері жасамайды.

Джо Байден әкімшілігі еуропалық одақтастарға АҚШ Украинаға американдық өндіріс F-16 жойғыш ұшақтарын экспорттауға рұқсат беретіні туралы белгі берді, – деп хабарлайды CNN ақпарат көздеріне сілтеме жасап. Бұған дейін ұшақтарды жеткізуден бас тартқандықтан, Ақ үй Украинаны қолдайтын Еуропа елдері ғана емес, АҚШ конгресінің мүшелері тарапынан да қысымға ұшыраған болатын.

Американың өзі ұшақтар жіберуге құлықсыз, бірақ басқа елдердің Украинаға F-16 ұшағын жеткізуіне қарсы емес, деп хабарлады CNN-ге анонимді шенеуніктер. Алайда, олардың айтуынша, бұл мәселеге қатысты ресми өтініштер әлі түскен жоқ.

Дереккөздердің айтуынша, әдетте қару-жарақ экспортын мақұлдау үшін құжаттарды рәсімдейтін Мемлекеттік департамент шенеуніктері әлі үнсіз екен.

Еуропаның бірнеше елінде американың F-16 ұшақтары бар. Мәселен, Нидерланды Украинаға бірнеше ұшақ беруге дайын екенін айтты. АҚШ-тың құпия ұшақ технологиясына байланысты АҚШ үшінші тарапқа беруді мақұлдауы керек.

Осы аптаның басында Украинаға заманауи жауынгерлік ұшақтарды жеткізуді ұйымдастыру үшін «жауынгерлік коалиция» құрылатыны хабарланған еді. Оған Ұлыбритания, Нидерланды, Франция және басқа да Еуропа елдері қатысады.

Mezgil.kz