Кешегі әлем жұртының төбе шашын тік тұрғызған оқиға Газа секторындағы Ал-Ахли ауруханасына жасалған зымыран соққысы болды.

Ақпарат көп. Және ақпараттардың мазмұны да әр алуан. Бір тарап: «Соққыны Израиль әскері (ЦАХАЛ) жасады», - десе, екінші тарап: «Аурухананы атқан – ХАМАС-тықтар мен «Ислам жиһадшыларының» өздері», - дейді.

Нақты факт: Газа секторындағы Ал-Ахли ауруханасы жасалған соққыдан қаза тапқандар саны 800-ден асқан.

ЖАУЛАСУШЫ ТАРАПТАР НЕ ДЕЙДІ?

Израиль армиясы бір емес, бірнеше қайтара мәлімдеме жасап: «Ауруханаға соққыны біз емес, «Ислам жиһадшылары» жасады», - деп ақталып, әлекке түсті.

Палестина Денсаулық сақтау министрлігі: «Газадағы ауруханада қаза тапқандардың барлығы бейбіт тұрғындар болған. Олардың арасында әйелдер мен бала-шаға көп», - деп мәлімдеді.

ХАМАС мәлімдемесінде: «Газадағы ауруханаға жасалған соққы – геноцидтік қылмыс. Ондағы адамдар Газадағы қауіпті аймақтан көшірілген бейбіт тұрғындар еді», - делінген.

Израиль армиясының мәлімдемесінде: «Біздегі бар барлау мәліметтеріне сүйенсек, Газадағы ауруханаға соққыны «Ислам жиһадшылары» жасаған. Олардың сәтсіз ұшырған зымырандары аурухағана түскен. Олар жаппай зымыран ұшырған. Оны қағып түсірген сәтте, зымырандар Ал-Ахли ауруханасының төбесінде ұшып бара жатқан», - делінген.

«Ислам жиһадшыларының» мәлімдемесінде: «Қарсылас тараптың бізді айыптап жасаған мәлімдемесі жалған әрі негізсіз! Олар жауапкершілікті мойындарына алмауы үшін осылай жалған айыптау жасап жатыр», - делінген.

Құдыс Президенті  Ал-Ахли ауруханасына жасалған соққыдан кейін іле-шала үш күндік аза тұту жариялады.

Палестина Денсаулық сақтау министрі БҰҰ бастаған халықаралық және гуманитарлық ұйымдарға үндеу жасап: «Палестина халқын Израиль жүргізіп жатқан геноцидтік саясаттан құтқарыңдар», - деп мәлімдеді.

Израиль премьері Бенямин Нетаняху: «Газадағы ауруханаға соққыны біз емес, «Ислам жиһадшылары» жасады. Олар біздің балаларымызды ғана өлтіріп қоймай, енді өз балаларын да аямай қырып жатыр», - деп мәлімдеді.

Ал ХАМАС қозғалысы басшыларының бірі Халед Машал әлем елдерінің мұсылмандарын өз елдеріндегі Израиль елшіліктері алдына жиналуға шақырған.

Жапониядағы Палестина елшісі Али Сиям: «Израиль Газадағы ауруханаға соққы жасардан тұп-тура 1 сағат бұрын Ал-Ахли ауруханасына телефон соғып, ескерту жасаған», - деп мәлімдеді.

ХАЛЫҚАРАЛЫҚ ҚАУЫМДАСТЫҚ НЕ ДЕЙДІ?

Бұл соққыға Түркия президенті Ердоған бастаған, Палестина қостаған, барша басқа араб елдері өре түрегеліп, Израильді айыптады.

*Ресей мен БАӘ 18 қазанға БҰҰ Қауіпсіздік кеңесінің шұғыл отырысын шақырды. Ресей Газадағы ауруханаға жасалған соққыны қатаң айыптап: «Адамгершілікке жат әрекет», - деп сипаттады. Жауапкершіліктің бір ұшы АҚШ-та екенін айтты.

*ХАМАС лидері: «Газадағы ауруханаға жасалған соққының артында АҚШ тұр», - деп мәлімдеді.

*Пентагон Израильге ескерту жасап, «соғыс ережесінә сақтауға шақырды.

*Канада премьері Жастин Трюдо да «ауруханаға жасалған соққыны» айыптап сөйледі.

*Еуропалық кеңес басшысы Шарль Мишель: «Ауруханаға жасалған соққы гуманитарлық ережеге жат», - деді.

*Түркия президенті Ердоған: «Халықаралық қауымдастық Газадағы зұлымдықты дереу тоқтатуға күш салуы керек», - деді.

*ЮНИСЕФ Газадағы оқиғаны қатаң айыптап, Израильге қайрылу жасады. Газадағы жұртқа гуманитарлық көмек көрсету үшін дәліз ашуға шақырды.

*Сауд Араабиясы Израильді айыптап мәлімдеме жасады.

*ЕО Сыртқы саясат басшысы Жозеп Боррель де Газадағы оқиғаны айыптап сөйледі. Бірақ, кінәлі тарапты атамады.

*Дүниежүзілік денсаулық сақтау ұйымы да Газадағы АЛ-Ахли ауруханасына жасалған соққыны айыптады.

*Сирия Изиарль мен Батыс елдерін айыптады. Елде үш күндік аза тұту күнін жариялады.

*Араб елдерінің БҰҰ-дағы тобы Газада атысты тоқтату режимін енгізуге шақырды.

*Ұлыбритания өз әріптестерімен мәселені егжей-тегжейлі зерттейтінін айтты.

*Марокко, Катар, БАӘ мен Вэнесуелла Израильді айыптады.

*Женевадағы БҰҰ Адам құқықтары жөніндегі Жоғарғы комиссар Фолкер Тюрк: «Кінәлілер анықталып, жауапқа тартылуы керек», - деп мәлімдеді.

*БҰҰ Бас хатшысы Антониу Гутерриш те Газадағы бұл жағдайды қатаң айыптап: «Ауруханалар мен медицина қызметкерлері Халықаралық гуманитарлық құқықпен қорғалады», - деді.

*АҚШ президенті Байден: «Газадағы ауруханаға жасалған соққыға Израильдің қатысы жоқ», - деп мәлімдеді.

*Иран мен Алжир де Израильді айыптады. «Қасақана әрі жоспарлы түрде жасалған әрекет», - деді.

*Еурокомиссия басшысы Урсула фон дер Ляйен: «Бұл соққағы ешқандай ақталу жоқ», - деді.

*Куба президенті Мигел Диас-Канел де Израильді айыптады.

*Қытай Ресей мен БАӘ-нің БҰҰ Қауіпсіздік кеңесін жинау туралы бастамасын қолдады.

*Ирак, Мысыр, Пәкістан басшылары болған оқиғаны айыптап, кінәлі ретінде Израильді атады.

*Жапония, Германия мен Франция да ауруханаға жасалған соққыны айыптады. Тараптар егжей-тегжейлі тергеу жүргізу қажеттігін айтты.

*Афроодақ Газадағы ауруханаға жасалған соққыны «әскери қылмыс» деп атады.

ИЗРАИЛЬ ЕЛШІЛІКТЕРІ АЛДЫНДАҒЫ НАРАЗЫЛЫҚ АКЦИЯЛАРЫ

Кешегі оқиғадан соң, әлемдің бірқатар еліндегі Израиль елшіліктері алдында наразылық акциялары мен ереуілдер өтті. Атапа айтқанда: Түркия, Иордания, Ирак, Иран, Ливан, Палестина, Марокко, Германия, АҚШ-та Израиль елшіліктері алдында анти-израильдік шерулер өтті.

Ливандық «Хезболла» тобы сәрсенбіні «Қаһар күні» деп жариялап, Израильге кәрін төкті. 

Осы текетірес басталғаннан бері жөйіттер жағы –  1,4 мың, құдыстықтар – 3 мыңнан аса адамынан айырылып отыр. Таяу Шығыс пен Солтүстік Африкада Израильді айыптаған халықтық шеру толқыны басталып кетті.

Mezgil.kz