Бүгін бұрынғы президент Нұрсұлтан Назарбаевтың інісі Болат Назарбаев 71 жасқа қараған шағында дүниеден өтті.

 

Былтыр Болат Назарбаевтың жағдайы нашарлап, арбаға танылғаны туралы жазылған. Сол кезде оның көмей обырына шалдыққаны айтылды.

 

Биыл 4 қарашада БАҚ Болат Назарбаевтың ауыр жағдайы туралы тағы да жазды. Бұрыңғы Президенттің інісі қайтадан инфарктпен ауруханаға жатқызылғаны белгілі болды.

 

Ал бүгін Ratel.kz Болат Назарбаевтың соңғы сағаттары туралы «сағат 9.28-де жүрегі тоқтады (асистолия). 23 минут ішінде реанимациялық іс-шаралар өткізілді, бірақ әсері болмады», – деп хабарлады.

 

Болат Назарбаев 1953 жылы 23 наурызда Алматы облысы Қарасай ауданы Шамалған ауылында дүниеге келген. 1997 жылдан бастап BN INVEST холдингін басқарды. 2016 жылы «Саликалы ұрпақ» қоғамдық қорын құрды. Сол жылы «Парасат» орденімен марапатталды.

 

Еліміздегі бірқатар стратегиялық салалардағы активтерді монополиялық басып алу, сондай-ақ рейдерлік шабуылдар жасау сияқты әрекеттердің көпшілігі Болат Назарбаевтың есімімен байланыстырылады.

Mezgil.kz