Армениядағы ресейшіл саяси күштерден құралған «Бірге» қоғамдық-саяси қозғалысы билікті ауыстыру мақсатымен жаппай наразылықтарды қайта бастайтынын мәлімдеді.

Қозғалыстың үйлестірушісі - бұрынғы премьер-министр және бірінші Қарабақ соғысы кезіндегі белгілі «армян жазалаушысы» Вазген Саркисянның ағасы Арам Саргсян 20 ақпанда сағат 16: 30-да қозғалыс белсенділері Ереван қалалық Бостандық алаңында акция өткізетінін хабарлады. Жаппай наразылық Қарабақтағы сепаратистік қозғалыстың басталуына орайластырылған.

Арам Саргсян қазіргі билік Қарабақты «жоғалтқанын» және өз әрекеттері үшін тікелей жауапты екенін айтты. Ресейшіл көшбасшы барлық саяси күштерді Никол Пашинянның отставкасын талап еткен «Бірге» қозғалысын қолдауға шақырды.

«Біз осыған негіз дайындадық - митингіде жариялайтын 100 себеп бар», - деді Саргсян. Ол Пашинян бұл ауыртпалықты өз мойнына ала алмайтынын, сондықтан отставкаға кетуі тиіс екенін мәлімдеді.

«Біз оны осы ауыртпалықтан құтқаруға дайынбыз. Егер Пашинян мерзімінен бұрын отставкаға кетсе дұрыс болар еді, әйтпесе өз міндеттерін орындау оған қиынырақ болатынын түсінуі тиіс», - деді Саргсян.

Оның айтуынша, парламентте ұсынылған 35 оппозиционер депутаттың әрқайсысына митингіге қатысу үшін жеке шақыру жіберілді.

«Олардың жауабын күтеміз. Егер келіссе, сенімсіздік дауысы парламентпен басталуы тиіс деп есептейміз. Егер халық бізге сеніп, парламенттің осы талапты қабылдауына қысым көрсетсе, біз басқа саяси күштермен бірге болашақ Уақытша үкіметтің құрамын талқылайтын кеңес құруға дайын боламыз. Себебі бұл жерде премьер-министрдің кандидатурасын, үкімет құрамын ұсынуда проблема бар. Біз мұндай монополияға үміттенбейміз», - деп атап өтті Саргсян.

«Бірге» қозғалысының тағы бір белсендісі және бұрынғы премьер-министр Грант Багратян Пашинянға мәмілені ұсынды. Ол егер Пашинян өз еркімен отставкаға кетсе, оппозиция оған және оның отбасы мүшелеріне қауіпсіздікке кепілдік беруге дайын екенін мәлімдеді.

«Сіз Әзербайжанмен бейбіт шартқа қол қоюға ниеттісіз ғой, егер сіз осындай шартқа қол қоятын болсаңыз, сіз Әзербайжанның аумақтық тұтастығын мойындайсыз және 1989 жылғы шешімнің күші автоматты түрде жойылады, өйткені халықаралық құқық жоғары», - деді Багратян Пашинянға.

Армян саясаткері сондай-ақ Пашинянның Әзербайжан «жаңа кең ауқымды соғысқа дайындалып жатыр» деген мәлімдемесіне тоқталып, премьер-министрдің «Бакуді жаңа шабуылдарға итермелейтінін» мәлімдеді. Оның айтуынша, егер Пашинян отставкаға кетсе, жаңа соғыс қаупі жойылады, себебі «Ресей Арменияны қорғайды».

«Ресей ашық айтты. Неліктен Армения ҰҚШҰ-дан кетеді, ҰҚШҰ бізді қорғайды. Әрине, ол (Пашинян - ред.) Батысқа сенеді, ал Батыс: маған сенбеңіз, мен ештеңе істемеймін», - деп ашық айтады», - дейді оппозиция.

Багратянның пікірінше, Пашинян Ресейді Арменияның жауына айналдыруға тырысуда.

Айта кету керек, «Бірге» қозғалысы соңғы жылдары Арменияда ресейшіл саяси күштер құрған альянстардың бірі болып табылады. Бұл қозғалысқа қосылғандар Ресей мүддесінің берік қорғаушылары.

Мысалы, өткен жылдың 18 қыркүйегінде, Әзербайжан Қарабақта терроризмге қарсы арнайы шараларды бастағанға бір күн қалғанда, қозғалыс мүшелері АҚШ Конгресі Өкілдер палатасының спикері Нэнси Пелосидің Ереванға сапарына наразылық білдірген болатын. Олар Еревандағы АҚШ елшілігінің алдына жиналып, Ресей-Армения қарым-қатынастарының «терең тамыры» бар екенін және «Ресей Арменияның одақтасы болып табылады және американдық қонақтар мұны ескеруі тиіс» деп мәлімдеді.

Айта кетейік, бұл қозғалыс бұған дейін де Пашинянның отставкасын талап етіп, жаппай акциялар өткізген болатын, бірақ олардың шақыруымен көшеге санаулы ғана адам шықты.

Mezgil.kz