Кешелі-бері Қазақстан, Әзербайжан, Қырғызстан, Өзбекстан және Түркия Түркі елдерінің ынтымақтастық күнін атап өтуде.

(Коллаж: Mezgil.kz / Суреттер: Ақорда, Азаттық радиосы сайттарынан алынды)

Тура 15 жыл бұрын, 3 қазанда Нахчыванда Түркітілдес мемлекеттердің ынтымақтастық кеңесін құру туралы келісімге қол қойылып, ол іле-шала Түркі мемлекеттері ұйымына (ТМҰ) айналды. Бұл күн түркі елдерінің бірлігі мен өзара іс-қимылының символына айналып, тым қысқа мерзім ішінде халықаралық ынтымақтастықтың тұрақты және ықпалды форматын қалыптастыра білді.

Өзінің жұмыс істеген жылдары ішінде ТМҰ өзін тұрақтылықты нығайтуға және орнықты дамуды қамтамасыз етуге елеулі үлес қосуға қабілетті халықаралық қатынастардың беделді қатысушысы ретінде көрсетті. Түркі интеграциясы транзиттік-көліктік өзара іс-қимылдан бастап, экономика мен экология һәм ғылым, білім, мәдениет пен туризмге дейінгі көптеген бағыттарды қамтиды. Гуманитарлық ынтымақтастықты дамытуға және халықтар арасындағы мәдени байланыстарды қолдауға ерекше назар аударылады.

Анкарада Нахчыван келісіміне, Түркі мемлекеттері ұйымының құрылтай құжатына қол қойылғанына 15 жыл толуы «Түркі ынтымақтастығының қазіргі жағдайы мен перспективалары» панельдік пікірталасы өтті.

Іс-шарада ТМҰ-ның бас хатшысы Кубанычбек Өмірәлиев, Түркі инвестициялық қорының президенті Бағдат Әмреев, Түркі академиясының президенті Шахин Мұстафаев, Түркі мемлекеттері парламенттік ассамблеясының (ТҮРКПА) бас хатшысы Мехмет Эр және Халықаралық түркі мәдениеті ұйымы бас хатшысының орынбасары Сайеит Юсуф сөз сөйледі.

Сондай-ақ, 15 жылдыққа орай ТМҰ сыртқы істер министрлерінің орынбасарлары деңгейінде көпжақты саяси консультациялардың 2-ші отырысы өтуде. Іс-шараға Түркия сыртқы істер министрінің орынбасары Нух Йылмаз төрағалық етеді. Кездесу барысында 2024 жылғы 6 қарашада Бішкекте өтетін ТМҰ 11-саммитіне дайындық мәселелері және басқа да тақырыптар бойынша пікір алмасу өткізіледі.

Қазақстан ОТГ-ның негізін қалаушы мемлекеттердің бірі бола отырып, түркі бірлігі мен интеграция идеяларын белсенді ілгерілетуде аса зор белсенділік тантып келеді. Биыл республика Түркі мемлекеттері ұйымының төрағасы қызметін атқарып, «TURKTIME!» ұранымен бағдарламаны жүзеге асыруда.

Мемлекет басшысы Қасым-Жомарт Тоқаев Қазақстан ТМҰ-ның сындарлы диалог пен бірлескен бастамалар үшін маңызды алаң ретінде көріп отырғанын бірнеше рет атап өтті. Қазақстанның төрағалығымен түркі елдері энергетика, логистика, цифрландыру және мәдени байланыстарды нығайту сияқты салаларда белсенді өзара іс-қимыл жасап келеді. Бұл интеграциялық процестерді одан әрі дамыту мен тереңдету үшін жаңа перспективалар ашады.

Mezgil.kz