Өткен жылы Астана қаласының Жастар саясаты мәселелері басқармасы  Елбасының «Болашаққа бағдар: рухани жаңғыру» бағдарламасы аясында «Мемлекеттік рәміздер - мақтанышым!» және «Мәңгілік ел - мұратым!» тақырыбында ҚР мемлекеттік рәміздерінің 25 жылдығына арналған Астана қалалық жас ақындар мүшәйрасын өткізген болатын.

ҚазАқпараттың хабарлауынша мүшәйраға еліміздің өңірлерінен 200-ге жуық жас ақын қатысып, мүшәйра жеңімпаздарын ақын Несіпбек Айтұлы, ҚР Мәжіліс депутаты Бақытбек Смағұл, қоғам қайраткері Оразкүл Асанғазы, өнер қайраткері Нұрлан Өнербаев, ақын Қалқаман Сарин және басқа да белгілі қоғам қайраткерлері марапаттаған. Қорытынды бойынша үздік 30 ақынның өлеңдері кітап болып жарыққа шығарылған.

Жастар саясаты мәселелері басқармасы ақындар мүшайрасын осы жылы да өткізуді жоспарлауда. Бірақ осы жылғы шара еліміздің бас қаласы Астана қаласының жиырма жылдық мерейтойына арналады, деп хабарлайды astana.kz.

«Мүшәйраның алғаш рет өткізілгенін және маңыздылығын ескере отырып, осы жылдан бастап дәстүрлі түрде өткіземіз деген ойдамыз. Сонымен қатар,  келесі мүшәйра елорданың 20 жылдық мерейтойына арналатын болады», - дейді Жастар саясаты мәселелері басқармасының бас маманы Ақұлан Тастемір.