Алматыда жыл сайынғы Халықаралық Nevsky Award жүлдесінің қорытындылары белгілі болды. БАҚ өкілдеріне арналған Халықаралық Nevsky Award жүлдесі алғаш рет 2021 жылғы күзде өткізілді. Ұлтаралық, мәдениетаралық қарым-қатынастарды нығайту мен отандық журналистиканың дамуына қосқан үлесі үшін он журналист ең жоғары марапатқа ие болды.     

Қазылар алқасының Төрағасы, Қазақстан Журналистика академиясының негізін қалаушы әрі президенті Сағымбай Қозыбаев:

«Қазір қазақстандық журналистикада әлдебір бытыраңқылық байқалады. Олай болмауы керек. Біз көпұлтты Қазақстанда өмір сүріп жатырмыз және бір бағытта жұмыс істеуіміз керек. Тату көршілік қатынастардың негіздерін сақтау, қоғамды ағарту, тарихи, жалпыадамзаттық құндылықтарды насихаттау қажет. Халықаралық қатынастар және халықаралық келісім, гуманизм, дипломатия және бірге бейбіт өмір сүру мәселелеріне басымдық берілу керек. Біздің Жүлдеміздің негізгі міндеттері де осы. Өткен жылы осындай Жүлденің пайда болғанына және оның жұмысына Қазақстан Журналистика Академиясының қатысып жатқанына қуаныштымын»

АПН жаңалықтар қызметінің басшысы Маргарита Григорьева:

«Жүлде бұқаралық ақпарат құралдары арқылы әлемдік қоғамдастыққа елдердің тату көршілік, өңіраралық және конфессияаралық келісім, жақынына деген сүйіспеншілік және игі істер сияқты жалпыадамзаттық ұғымдарды қолдау және насихаттау үшін құрылған. Тиісінше, осы тақырыптарды қызықты, кәсіби түрде ашқан журналистерді көтермелеу және оларға барлық елдер азаматтарының назарын аудару маңызды. Барлық жүлдегерлерді шын жүректен жеңісімен құттықтаймын және байқаудың барлық қатысушыларына шығармашылық және кәсіби табыстар тілеймін»

Әлемдегі кез келген елдің журналистері байқауға өз мақала, сұхбат, сюжеттерін жолдай алады. Қазір Қазақстаннан, Еуропа мен Орталық Азия елдерінен 70-тен астам жұмыс ұсынылды. Нәтижесінде, білікті қазылар алқасы он жеңімпазды анықтады.

Байқауға қатысқан жұмыстарды қазылар алқасының мүшелері бағалады:

• Профессор, Қазақстан Журналистика академиясының академигі Валерий Жандәулетов;

• Медиасыншы, «Новый репортер» жобасының авторы Назира Дәрімбет;

• АПН жаңалықтар агенттігінің басшысы Маргарита Григорьева;

• Қазақстан Митрополий округі Ақпараттық бөлімінің басшысы протоиерей Евгений Иванов.

Nevsky Award Жүлдесінің лауреаттары

«Сыртқы саясат және өңіраралық диалог туралы үздік материал» номинациясының жеңімпаздары:

Ғазиза Ұзақ, «Mezgil.kz» порталының фрилансері, Алматы қаласы, «Қазақ еліндегі мадияр ұлы»  қазақ тіліндегі мақаласы үшін

https://mezgil.kz/e/action/ShowInfo.php?classid=1&id=3615

Белов Олег, "Аргументы и факты Казахстан" газетінің журналисті, Алматы қаласы, «Полюс Евразии. Секрет притяжения Оренбурга» орыс тіліндегі мақаласы үшін. https://kzaif.kz/society/sekret_prityazheniya_orenburga

Мұрат Арайлым, «КазИнформ» ақпараттық порталы «Его творчество трогает наши сердца и души - норвежский фан-клуб Димаша» орыс тіліндегі мақаласы үшін. https://www.inform.kz/ru/ego-tvorchestvo-trogaet-nashi-serdca-i-dushi-norvezhskiy-fan-klub-dimasha_a3981577

«Конфессияаралық келісім және көпмәдениетті қарым-қатынастар туралы үздік материал» номинациясының жеңімпаздары:

Коэмец Елена, Caravan.kz порталы, Алматы қаласы, «Как русскоязычный алматинец Яков стал Жакыпом и отдал детей учиться в казахскую школу» орыс тіліндегі мақаласы үшін. https://www.caravan.kz/news/kak-russkoyazychnyjj-almatinec-yakov-stal-zhakypom-i-otdal-detejj-uchitsya-v-kazakhskuyu-shkolu-887477/

Корнева Валентина, «Deutschе Allgemeine Zeitung» (DAZ) Республикалық неміс газетінің журналисті, Алматы қаласы, «Ана-тiлi: все начинается с любви» орыс тіліндегі мақаласы үшін. https://daz.asia/ru/ana-tili-vse-nachinaetsya-s-lyubvi/

Нұрсеитова Торғын, Zakon.kz ақпараттық порталының журналисті, Алматы қаласы, «Казахстанцы об эмиграции: Нас никто не будет встречать с караваем и нигде нас не ждут» орыс тіліндегі мақаласы үшін.https://www.zakon.kz/6007735-kazakhstantsy-ob-emigratsii-nigde-nas-ne-zhdut-nikto-ne-budet-vstrechat-nas-s-karavaem.html

«Қайырымдылық, бизнестің әлеуметтік жауапкершілігі туралы үздік материал» номинациясының жеңімпаздары:

Фомина Наталья, "Индустриальная Караганда» газеті мен порталының журналисті, «Землю не обманешь» орыс тіліндегі мақаласы үшін. https://inkaraganda.kz/novosti/ekonomika/zemlju-ne-obmanesh/

Шуакбаева Майя, "Городская неделя" павлодарлық газетінің журналисті, «Народный асар» орыс тіліндегі мақаласы үшін. https://www.instagram.com/p/CkfW3-PNKJ3/?utm_source=ig_web_copy_link

Тілеуова Рахила, Baq.kz порталының журналисті, Астана қаласы, «Чехолдан жарты млрд теңгеге дейін. Қайырымдылық жасаған және соған мұқтаж болған кәсіпкерлер" қазақ тіліндегі мақаласы үшін. https://baq.kz/cheholdan-zharty-mlrd-tengege-deyin-qayyrymdylyq-zhasagan-zhane-sogan-muqtazh-bolgan-kasipkerler-291326/

Өнеге, руханият және жалпыадамзаттық құндылықтар туралы үздік материал – байқаудың арнайы сыйлығының жеңімпазы

«Казахстанская Правда» газетінің шолушысы Лаура Тусупбекова "Хлебом единым" орыс тіліндегі мақаласы үшін. https://kazpravda.kz/n/hlebom-edinym-5s/

Жеңімпазға марапатты Астана және Қазақстан митрополиті Александр табыс етті. 

Журналистерге арналған Жүлде халықаралық әріптестік, ұлтаралық келісім мен мәдениеттер диалогы идеяларын көтерген дипломат әрі мемлекет қайраткері ретінде тарихта қалған Александр Невскийдің атымен аталған. 

Жыл сайынғы Халықаралық Nevsky Award жүлдесінің ұйымдастырушысы – United Charity Projects Evolution қоғамдық қоры.

Марапаттау рәсімін тікелей эфирде newskyaward.kz ресми сайтынан және мына сілтеме бойынша https://www.youtube.com/watch?v=EJHjClJ8Z3E ютуб-арнадан көруге болады.